ليه الحيوان التعيس هى القطة؟
عشان ديما تخربش ومتكسبش
طب ايه الحيوان اللي بياكل ويشرب بديله؟
كل الحيوانات بتاكل وتشرب بدلها عمرك شفت حيوان ساب ديله وراح ياكل
طب ايه اقدم حيوان؟
الحمار الوحشي .. عشان ابيض واسود
طب ايه هو اجدد حيوان؟
القنفد عشان لسه بشوكه والكنغر علشان بكيسه
طب ليه التلاجة غبية؟
عشان بتحفظ الاكل .. مبتفهموش
ماهي قمة الحيرة؟
يقال لك اجلس في ركن غرفة مستديرة
ماهو قمة الذكاء؟
ان تجد ركن للغرفة
ايه الشبه بين الجورنال والشمس؟
الاتنين بيطلعوا الصبح
ايه الشبه بين التفاح والكمثرى؟
الاتنين مش جوافة
ايه الفرق بين الصحراء وايام الاسبوع والموس ؟
الصحراء مفيهاش حد / ايام الاسبوع فيها حد / الموس فيه حدين
واحد وقع من الدور التاسع لقى ايه؟
لقى مصرعه
ليه نابليون كان بيقعد قدام التلاجة؟
عشان يطمن علي حملة فريزر
ايه هي قمة الادب؟
انك تخبط على التلاجة قبل متفتحها
ايه هي قمة الصبر؟
انك تستنى حد يفتحلك
ايه هي قمة الدهشة؟
حد يفتحلك فعلا
ليه الأرجنتين مش بيزرعوا تين؟
لأنها دولة لا....تينية
إية الفرق بين الزيتون والليمون؟
التانى بيتعمل لاموناته والأول ما بيتعملش زاتوناتة
واحد بيحدف زلطة على بيت ازاز والبيت محصلوش حاجة ليه؟
عشان الزلطة مجتش فيه
طب كتكوت بيعدي الشارع و فجأة مات .. ليه؟
الزلطة جت فيه
حاجه طايره فى السما وبتقول نياو ايه هى؟
قطه بيضاء مضروبه بالشلوت
طب حاجه سوده طايره فى السما وبتقول نياو ايه هى؟
غراب بيستهبل
طب حاجه بنى طايره فى السما وما بتقولش حاجه ايه هى؟
فرده جزمة الراجل الى ضرب القطه البيضاء
طب حاجه سوده طايره فى السما وما بتقولش حاجه ايه هى؟
غراب عاقل وما بيحبش يستهبل
نقطه سوده على الحيطه ايه هى؟
دبانة
طب نقطتين سود على الحيطه تبقى ايه؟
فيشه
طب 3 نقط سود على الحيطه تبقى ايه؟
دبانة وفيشه
طب 73 نقطه سوده على الحيطه تبقى ايه؟
يبقى بياض البيت بيقشر
حاجه رفيعه وطويله ولونها ابيض ايه هى؟
فتله بيضاء
حاجه رفيعه وطويله ولونها اسود ايه هى ؟
خيال الفتله البيضاء
موضوع: اسئله تحرق الدم 
السبت 24 أبريل 2010, 9:01 pm
