هو وهي ماشيين على الكورنيش ..الجو حار ..الشمس محرقة
هى : عطشانة
هو: وأنا كمان
هي : يعني.. عايزة أشرب!!
هو : اكيد مادام عطشانة يبقى عايزة تشربي
هي : المفروض – بما ان عندك أحساس يعني – أني لما اقولك عطشانة تجيب لي حاجة ساقعة
هو : ومين اللي هايحاسب ؟؟
هي : انت طبعا
هو : منين ياحسرة .. ما انتي عارفة الكانز وغطاه
هي : ماقلتش عايزة كانز.. كفاية أزازة صارووخ
هو: طيب لو هاتجيبي اعزميني معاكي
هي : يابني انت مابتحسش ، وبعدين احنا بقالنا 3 ساعات ماشيين ، انت مش ناوي تقعدنا والا ايه ؟
هو : عندك الكورنيش كله .. أختاري الرصيف اللي يعجبك
هي : قصدي تعزمني في مكان شاعري
هو : في الحر ده ماينفعش
هي : بلاش دي .. ناخد مركب عالكورنيش
هو : المراكب بتغرق اليومين دول .. خلينا عالبر احسن
هي : بلاش المركب .. تعالى ناكل ترمس .. أظن ده رخيص
هو : تضمني منين ان الراجل غاسل ايده وغاسل الترمس
هي : اعوذ بالله .. انت مقفلها كده ليه ؟؟
هو : بصراحة معييش فلوس
هي : ياسلام !!.. ما انت كان معاك امبارح
هو : امبارح دخلت السيما مع بنت حلوة كده فالفلوس خلصت
هي : بنت حلوة ؟؟!! وبتقولها في وشي
هو : أكذب عليكي يعني
هي : لأ .. تحرق دمي احسن
هو : أنا مش شامم ريحة شياط يعني
هي : يخرب بيت البرود
هو : برود أيه ؟؟ ماهو الجو مولع اهو
هي : أنت اللي بارد
هو : بارد ازاي ؟؟ ده انا بشر عرق
هي : بقولك ايه ..روحني
هو : أروحك ؟!هو انتي ماتعرفيش تروحي لوحدك
هي : آآآآآآآآآه...طب انا ماشية
هو : ليه يا حبيبتي؟؟
هي : حبك برص
هو : والله البرص بيفهم علشان حبني
هي : بجد كده كتيييييير
هو : كتير ايه ؟!
هي : ارحمني ..واضح ان الحر بييجي معاك بالعكس .. يا بارد
هو : يعني مصممة تمشي ؟؟
هي : أيوة وحالاً كمان
هو : طب استني لما نوصل لاخر الشارع
هي : اشمعنى ؟؟
هو : أصل انا ساكن هناك .. ومايرضكيش اني اروح لوحدي
هي : لاااااااااااااااااااااااا اااااااااا
هو : ينفع كده .. ترمي نفسك في الميه ..مين هايوصلني بقى
موضوع: شوفو عمل ايه مع خطيبته!!!!!!! 
الأحد 25 أبريل 2010, 8:50 pm
